Plantun de Prouvènço

Pèr coumpara dos planto d'encò nostre

Hypericum montanum & Sorbus aria

Hypericum montanum

Hypericaceae Guttiferaceae

Nom en français : Millepertuis des montagnes.

Descripcioun :
Lou trescalan-de-mountagno trachis dins lis orle de bos e de cop que i'a dins li pelouso de mountagno. Es uno planto bèn drecho sènso ramo de coustat e acabado pèr uno tèsto de flour. Apoundèn que li fueio óupousado e espassejado sus la cambo, an ges de pecou e soun bourdado de glando negro, coume li sepalo (vèire li fotò à man drecho).

Usanço :
Dins d'ùni trescalan es esta trouba de prouprieta anti-óussidanto. Pamens n'en couneissèn ges d'usanço pratico. Escriéure au site se n'en sabès mai.

Port : Erbo
Taio : 30 à 120 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Hypericum
Famiho : Hypericaceae
Famiho classico : Guttiferaceae

Ordre : Malpighiales

Coulour de la flour : Jauno
Petalo : 5
Ø (o loungour) flour : 10 à 15 mm
Flourido : Printèms - Estiéu

Sòu : Ca (Si)
Autour basso e auto : 0 à 1900 m
Aparado : Noun
Jun à avoust

Liò : Orle de bos - Pelouso - Bos
Estànci : Subremediterran à Subaupen
Couroulougi : Paleoutemperado
Ref. sc. : Hypericum montanum L., 1755

Aliguié

Sorbus aria

Rosaceae

Àutri noum : Aligié, Aliguié rouge, Alouchié, Ariguié, Aubaliguié.

Noms en français : Alisier blanc, Alouchier.

Descripcioun :
L'aliguié o aligié es un pichot aubre coumun de colo e mountagno. Li fueio soun entiero, dentado e proun blanco dessouto. Li bourroun pegon pas jamai. Li fru rouge deforo e jauno dedins soun manjadis.

Usanço :
"Leis aligié fan de pigno de fruit jaune aqui, quand soun madur [...], leis auceloun òu manjon bèn acò ; es un aubre que pouò veni gros." (D. Camatte, Senès in J.-L. Domenge, EbV, op.cit.). Li fru (alijos), soun astringènt, devènon manjadis un cop a jala. A passa tèms, di tèms de carestié, lis alijo secado e mòuto, mesclado à la farino d'òrdi, servien à faire de pan.